Para Galicia Rosalía de Castro é algo máis ca
unha escritora. Xeración tras xeración, a súa figura é un referente que está
por riba de ideas e xeografías. Para os galegos e galegas ningunha outra figura
literaria ou cultural ou política ou o que for os une tanto arredor do
sentimento de pertenza a unha terra. Ela xerou innumerables páxinas, imaxes,
cancións… Sen dúbida, una das máis representativas visións da nosa autora foi a
dada por Curros en célebre poema: “Do mar pola orela / mireina pasar / na
frente unha estrela / no bico un cantar”.
A vida de
Rosalía é unha historia realmente apaixonante, chea de interese histórico,
cultural e intelectual. O seu relato é enteder desde a perpectiva dunha
rapariga filla de nai solteira e fidalga as claves sociais do seu tempo; é
asistir en primeira fila como moza, en Santiago, e en Madrid, a un proceso de
formación rico e complexo; é seguirlle os pasos, en Vigo, na Coruña, en
Lestrobe… á súa densa creación literaria e mais ao proxecto que acabou
orixinando a Galicia dos nosos días.
Hoxe as
investigacións sobre a súa figura supuxeron claros avances no
debuxo dos seus principais perfís. Aínda así, continúa a ser un reto estudala e
explicala na súa totalidade e na súa complexidade.
O domingo 24 de febreiro conmemórase o DÍA DE ROSALÍA. Este 2013 celébrase, ademáis, o 150 aniversario da edición de " Cantares Gallegos". Para tal aniversario preparamos no centro diversas actividades que terán lugar o luns 25. Xa vos daremos conta delas. Para ir iniciándonos no tema deixámosvos varios dos poemas musicados por diversos artistas. Agardamos que vos gusten e descubrades diferentes puntos de vista da obra Rosaliana:
Diferentes artistas e estilos músicais pero sempre defendendo a nosa poesía, a nosa música, o noso idioma.
ResponderEliminarFelicítovos por facer chegarlle ao alumnado unha visión diferente de algo que case sempre leva o adxectivo de "que rollo". Que hoxe os meus fillos falasen de Rosalía sen eu comentarlles nada, significa que sí que val a pena adicar estos "esforzos extras" para achegar a nosa cultura aos nosos nenos e nenas .Grazas.