Desde 1967, o 2
de abril, coincidindo coa data do nacemento do escritor danés Hans Christian
Andersen, o IBBY (Organización
Internacional para o Libro xuvenil, polas siglas inglesas de International
Board on Books for Young People) promove a celebración do Día Internacional do Libro Infantil
co fin de promocionar os bos libros infantís e xuvenís e a lectura entre os
máis novos.
MENSAXE DO DÍA INTERNACIONAL DO LIBRO
INFANTIL
Lemos xuntos, ti e eu.
Vemos que as letras forman palabras e as palabras convértense en libros que estreitamos nas nosas mans.
Oímos murmurios
e ríos buliciosos nas súas páxinas, osos que cantan graciosas melodías á lúa.
Entramos en misteriosos castelos
e das nosas mans soben ata as nubes árbores florecidas. Vemos nenas valentes que voan e nenos que atrapan as estrelas.
Lemos xuntos. Ti e eu, dando voltas e voltas,
percorrendo o mundo coa alegría nos libros.
Poema de Pat Mora
Traducción: Concha Blanco
Hans Christian
Andersen, nado en Odense o 2 de abril de 1805 e
finado en Copenhaguen o 4 de agosto de 1875,
foi un escritor dinamarqués.
Fillo dun
zapateiro, quedou orfo de pai en 1816,
e tivo que deixar de ir á escola, trasladouse a Copenhaguen para conseguir un posto como
cantante de ópera e conseguíu o apoio do rei Federico VI de
Dinamarca. Xa de neno deu mostras da súa imaxinación e intelixencia,
mesmo creou un teatro de monicreques no que representou obras de Ludvig Holberg e William Shakespeare.
As súas
primeiras novelas foron O improvisador (1835) e OT (1836).
Pero o que lle deu fama internacional foron os seus Historia e
Aventuras(Eventyr og Historier), contos para nenos publicados entre
1835 e 1872, traducidos a ducias de linguas, neles Andersen amosa a súa
extraordinaria imaxinación e fondo coñecemento da psicoloxía dos nenos.
Algúns dos seus
contos máis coñecidos son O
parrulo feo, O traxe novo do emperador, A
raíña das neves, O soldadiño de chumbo, O
reiseñor e A sereíña, entre outros.
|
Ningún comentario:
Publicar un comentario